மூன்றாவது டி-20 போட்டியில் இந்திய அணி அபார வெற்றி பெற்றுள்ளது. 187 ரன்கள் என்ற இலக்கை 18.3 ஓவர்களில் எட்டி, இந்தியா ஐந்து விக்கெட் வித்தியாசத்தில் வெற்றி பெற்றது.
ஆஸ்திரேலியாவுக்கு எதிரான ஐந்து டி-20 போட்டிகளைக் கொண்ட தொடரில், முதல் போட்டி மழையால் கைவிடப்பட்டது. அதன் பின்னர் நடைபெற்ற இரண்டாவது போட்டியில் ஆஸ்திரேலியா வெற்றி பெற்றது. இன்று நடைபெற்ற மூன்றாவது டி-20 போட்டியில் இந்திய அணி பல்வேறு மாற்றங்களுடன் களமிறங்கியது.
டாஸ் வென்ற இந்திய அணி முதலில் பந்துவீச்சைத் தேர்வு செய்தது. அதன்படி ஆஸ்திரேலியா அணி முதலில் பேட்டிங் செய்தது. டிம் டேவிட் மற்றும் மார்கஸ் ஸ்டாய்னிஸ் ஆகியோர் சிறப்பாக ஆடி ரன்கள் குவித்தனர். டிம் டேவிட் 38 பந்துகளில் 74 ரன்களும், ஸ்டாய்னிஸ் 39 பந்துகளில் 64 ரன்களும் எடுத்தனர்.
இந்திய அணியின் பந்துவீச்சில் அர்ஷ்தீப் சிங், வருண் சக்கரவர்த்தி, சிவம் துபே ஆகியோர் சிறப்பாக விளையாடினர். அர்ஷ்தீப் சிங் நான்கு ஓவர்களில் மூன்று விக்கெட்டுகளைப் பெற்றார்; வருண் சக்கரவர்த்தி இரண்டு விக்கெட்டுகளை வீழ்த்தி சிறப்பாக பந்துவீசியார்.
187 ரன்கள் என்ற இலக்கைத் துரத்தி களமிறங்கிய இந்தியா, தொடக்க வீரர்களான அபிஷேக் சர்மா மற்றும் சுமன் ஆகியோரின் சிறப்பான தொடக்கத்தால் முன்னிலை பெற்றது.
அடுத்தடுத்து விக்கெட்டுகள் விழுந்தாலும், நடுப்பகுதி வீரர்கள் நிலைத்து நின்று அணியை வெற்றிப் பாதையில் முன்னேற்றினர்.
இறுதியில், 18.3 ஓவர்களில் 188 ரன்கள் எடுத்த இந்தியா, ஐந்து விக்கெட் வித்தியாசத்தில் வெற்றி பெற்றது.இதில் வாஷிங்டன் சுந்தர் 23 பந்துகளில் 49 ரன்கள் குவித்து உள்ளார்.
ஆஸ்திரேலியா அணியில் நாதன் எல்லிஸ் மூன்று விக்கெட்டுகளைப் பெற்று சிறப்பாக பந்துவீசியார்.ஐந்து போட்டிகள் கொண்ட தொடரில் இந்தியா தற்போது 2–1 என முன்னிலையில் உள்ளது; மீதமுள்ள இரண்டு போட்டிகளிலும் வெற்றி பெற்று தொடரை கைப்பற்றும் நோக்கத்தில் உள்ளது.
