சென்னை விமான நிலையத்தில் இன்று காலை ஒரு உணர்ச்சிவசமான சம்பவம் பரபரப்பை ஏற்படுத்தியது.
திருச்சி மாவட்டத்தைச் சேர்ந்த கல்பனா என்ற பெண், தனது கணவர் மற்றும் குழந்தை வசிக்கும் அந்தமான் செல்லவிருந்தார். கடந்த மூன்று மாதங்களாக உடல்நலக் குறைவால் திருச்சியில் சிகிச்சை பெற்று வந்த அவர், உடல்நலம் மேம்பட்டதைத் தொடர்ந்து இன்று சென்னையிலிருந்து அந்தமான் செல்ல வந்திருந்தார்.
கல்பனாவை வழியனுப்புவதற்காக அவரது அக்கா மலர் சென்னை விமான நிலையத்திற்கு வந்திருந்தார். தங்கையை பிரிய மனமில்லாமல் மலர் உணர்ச்சிவசப்பட்டு அழுதபோது, திடீரென மயங்கி விழுந்ததால் அங்கிருந்தோர் பதற்றமடைந்தனர்.
உடனே விமான நிலையத்தில் பணியாற்றியிருந்த மருத்துவத்துறை பணியாளர்கள் விரைந்து வந்து மலருக்கு முதலுதவி அளித்தனர். பின்னர் அவர் சற்று நலமடைந்தார்.
இந்த சம்பவத்தால் கல்பனா பயணத்தை ரத்து செய்ய வேண்டும் எனத் தெரிவித்தார். ஆனால் உறவினர்கள் மற்றும் போலீசார் அவரை சமாதானப்படுத்தினர். மத்திய துணைப்படை மற்றும் விமான நிலைய காவல்துறையினர் பேச்சுவார்த்தை நடத்தி, தங்கையும் அக்காவும் சிறிது காலம் ஒன்றாக இருக்க அனுமதித்தனர்.
தற்போது, இருவரும் சேர்ந்து சென்னையிலிருந்து திருச்சிக்கு திரும்பச் செல்லும் வகையில் விமான நிலைய போலீசார் தேவையான ஏற்பாடுகளை செய்து வருகிறார்கள்.
சென்னை விமான நிலையத்தில் நடந்த இந்த அக்கா–தங்கை பாசப் போராட்டம், அங்கிருந்த பயணிகள் மத்தியில் ஒரு நெகிழ்ச்சியான சூழலை உருவாக்கியது.
