உலகம் முழுவதும் கவிஞர்கள், எழுத்தாளர்கள், வாசகர்களால் ஆவலுடன் எதிர்பார்க்கப்பட்ட 2025 ஆம் ஆண்டுக்கான இலக்கியத்திற்கான நோபல் பரிசு ஹங்கேரி நாட்டைச் சேர்ந்த பிரபல எழுத்தாளர் லாஸ்லோ கிராஸ்னாஹோர்கை அவர்களுக்கு வழங்கப்பட்டுள்ளது.
இந்த ஆண்டு இலக்கியத்திற்கான நோபல் பரிசு, கிராஸ்னாஹோர்கையின் நீண்டகால இலக்கிய பங்களிப்பையும், அவரது படைப்புகளில் வெளிப்படும் அழகியல் நயமும், மனித உணர்வுகளின் ஆழமான வெளிப்பாட்டையும் அங்கீகரிக்கும் வகையில் வழங்கப்பட்டுள்ளது.
அவரது புகழ்பெற்ற ‘17 ஸ்டோரீஸ்’ எனும் சிறுகதைத் தொகுப்பில் இடம்பெற்றுள்ள எழுபதுக்கும் மேற்பட்ட சிறுகதைகள், மனிதர்களின் வாழ்க்கைச் சிக்கல்கள், பார்வையற்றோரின் உணர்வுகள், சமூகத்தின் பல்வேறு தரப்பினரின் வாழ்வியல் போராட்டங்கள் ஆகியவற்றை நுணுக்கமாக சித்தரிக்கின்றன.
இத்தொகுப்பு இலக்கிய உலகில் உயர்ந்த மதிப்பைப் பெற்றதோடு, உலகம் முழுவதும் வாசகர்களிடையே பெரும் வரவேற்பையும் பெற்றது. அதன் மொழி நயம், உண்மைத் தன்மை, சமூகப் பொறுப்புணர்வு ஆகிய அம்சங்கள் நோபல் குழுவினரால் சிறப்பாக பாராட்டப்பட்டுள்ளன.
இந்தப் பரிசு ஸ்வீடன் நாட்டின் ஸ்டாக்ஹோம் நகரில் நடைபெற்ற நிகழ்ச்சியில் அறிவிக்கப்பட்டது. இதன் மூலம், 2025ஆம் ஆண்டுக்கான இலக்கியத்திற்கான நோபல் பரிசை வென்றவர் என்ற பெருமை ஹங்கேரியின் லாஸ்லோ கிராஸ்னாஹோர்கை அவர்களுக்கு கிடைத்துள்ளது.
இலக்கிய உலகம் முழுவதும் இதை வரவேற்று, அவருக்கு பாராட்டுகள் மழையாக குவிந்து வருகின்றன.
