தென்காசியில் நடந்த பேருந்து விபத்தில் தாயை இழந்த பார்வை மாற்றுத் திறனாளி மகளுக்கு அரசு வேலை வழங்குவதற்கு முதலமைச்சர் மு. க ஸ்டாலின் உத்தரவிட்டுள்ளார்.
கடையநல்லூர் அருகே இரு தனியார் பேருந்துகள் நேருக்கு நேர் மோதி ஏற்பட்ட விபத்தில் ஏழு பேர் உயிரிழந்தனர். புளியங்குடி டி.என். புதுக்குடியேரியை சேர்ந்த மல்லிகா இவ்விபத்தில் பரிதாபமாக உயிரிழந்தார்.
அவரின் மகளான பார்வை மாற்றுத் திறனாளி கீர்த்திகா, தாயை இழந்த வேதனையில் கதறி அழுதார். சிறுவயதில் தந்தையை இழந்த அவர், தற்போது தாயையும் இழந்ததனால் வாழ்வாதாரத்திற்கான வழியின்றி பரிதவிப்பதாகக் கூறினார். தன்னுக்கு அரசு உதவி செய்ய வேண்டும் என்றும் அவர் வேண்டுகோள் விடுத்தார்.
“நான் ஐந்தாம் வகுப்பில் படிக்கும்போது எங்கள் அப்பா இறந்தார்கள். அம்மாதான் தனியாக கஷ்டப்பட்டு என்னை படிக்க வைத்தாங்க. இன்று நான் M.A, B.Ed வரை படிச்சிருக்கேன்னா அதுக்கு காரணம் எங்க அம்மாதான். எனக்கு இரண்டு கண்களிலும் பார்வை இல்லை. எங்க அம்மாதான் எனக்கு எல்லாமும். நான் வேலைக்கு போய் அவரைக் சந்தோஷமாகப் பார்த்திருக்கணும்னு ஆசைப்பட்டேன். ஒவ்வொரு தேர்வுக்கும் பொறுமையா வெயிட் பண்ணி, என்னை படிக்க கூட்டிச்செல்லி, பாதுகாப்பா திரும்பக் கூட்டிக்கிட்டுவாங்க. இனிமே நான் எப்படி போவேனோ எனக்கே புரியல…” என்று உருக்கமாக பேசியார்.
இதனைத் தொடர்ந்து, முதலமைச்சர் மு. க. ஸ்டாலின் அவரே கீர்த்திகாவுக்கு தொலைபேசியில் பேசிக் ஆறுதல் கூறினார். அவரின் சொந்த ஊரான புளியங்குடி நகராட்சி அலுவலகத்தில் அரசு வேலை வழங்கப்படும் என்றும் உறுதி அளித்தார்.
“ரொம்ப நன்றி சார்… ஐயா, இந்த மாற்றுத் திறனாளிக்கு ஒரு வாழ்வாதாரம் கொடுங்க ஐயா… உங்களை மன்றாடி கேட்டுக்கிட்டோம். எங்க அக்காவை இழந்துட்டோம்; அவளுக்கு வாழ்வும் ஆதாரமும் இருந்துருக்கணும்.”
இதற்கு பதிலாக முதலமைச்சர், “நேரடியாக எனக்கு கால் பண்ணி பேசினீங்க. உங்க வருத்தத்தையும் எனக்கு சொன்னீங்க. நீங்க கேட்டதை நான் பார்த்துருக்கேன். கண்டிப்பா வேலையும் கொடுக்கப்போறோம். கலெக்டர் உங்களைக் நேரில் பார்த்து உடனடியாக ஏற்பாடு செய்வாங்க,” என்று உறுதியளித்ததாக அவர் தெரிவித்தார்.
“இதற்காக முதல்வர் அவர்களுக்கும், தமிழக அரசுக்கும் என் மனமார்ந்த நன்றியை தெரிவிக்கிறேன். என் வேண்டுகோள் — இந்த வேலை எனக்கு நிரந்தரமாக இருக்கணும். மேலும் நான் ஆசிரியர் ஆகணும் என்பதே என் ஆசை. அதுக்கான தேர்வுகளுக்கு நான் தகுதியும் பெற்றிருக்கேன். வேகன்சி வரும்போது அதற்கும் வாய்ப்பு கொடுத்தா ரொம்பவும் நன்றியாக இருக்கும்.” என்றார் கீர்த்திகா.
