உலகம் முழுவதும் கோடிக்கணக்கான மக்கள் வாட்ஸ்அப் செயலியை பயன்படுத்தி வருகின்றனர். தகவல் அனுப்ப எளிதாக இருப்பதாலும், என்கிரிப்டட் மெசேஜிங் வசதி கொண்டதாக இருப்பதாலும், பயனர்களுக்கு பாதுகாப்பான மற்றும் சிறந்த அனுபவத்தை வாட்ஸ்அப் வழங்கி வருகிறது.
தற்போது வாட்ஸ்அப் சேனல், வாட்ஸ்அப் ஸ்டேட்டஸ் என அடுத்த கட்டத்துக்கு வாட்ஸ்அப் முன்னேறியுள்ளது. இந்த நிலையில், வாட்ஸ்அப் பயனாளர்களுக்கு மாத கட்டணம் நிர்ணயிக்க மெட்டா நிறுவனம் முடிவு செய்திருப்பதாக தகவல்கள் வெளியாகியுள்ளன.
டிசம்பர் மாதத்தில் சோதனை அடிப்படையில், பயனர்களின் ஸ்டேட்டஸ்களுக்கு நடுவே விளம்பரங்கள் வரும் வகையில் டிஸ்ப்ளே செய்யப்பட்டது.
தற்போது அதை முழுமையாக பயன்பாட்டுக்கு கொண்டு வர அந்நிறுவனம் முடிவு செய்துள்ளதா? இத்தகைய விளம்பரங்களை பயனர்கள் விரும்பவில்லை என்றால், அதற்கென மாத சந்தா திட்டத்தை அறிமுகப்படுத்துவதுதான் வாட்ஸ்அப்பின் திட்டமாக இருக்கலாம்.
