“டார்வின் தினம்: இயற்கை, அறிவு, மற்றும் பகுத்தறிவின் திருவிழா”

டார்வின் தினம் என்பது வெறும் பரிணாமக் கோட்பாட்டை கொண்டாடுவதல்ல; அது அறிவியல் மனப்பான்மையை, பகுத்தறிவை, மனிதாபிமானத்தை, மற்றும் அறிவுசார் ஆர்வத்தை கொண்டாடும் நாளாகும்.

பிப்ரவரி 12 அன்று, சார்ல்ஸ் டார்வினின் பிறந்த நாளை முன்னிட்டு உலகம் முழுவதும் மக்கள் இதை நினைவுகூருகின்றனர். டார்வின் 1809-ஆம் ஆண்டு பிப்ரவரி 12-ஆம் தேதி ஷ்ரூஸ்பரியில் பிறந்தார். சிறுவயதில் இயற்கையை ஆராய்வதில் அவர் மிகுந்த ஆர்வம் கொண்டிருந்தார்;

பூச்சிகள், பறவைகள், செடிகள் மற்றும் சுற்றுப்புற உயிரினங்களை கவனித்துப் பார்த்து, குறிப்புகள் எடுத்து வளர்ந்தார். இந்நிலையில் அவரது ஆர்வமும், சுய முயற்சியும் அவரை பின்னர் உலக புகழ்பெற்ற ஆய்வாளராக மாற்றியது.

டார்வின் ஹெம்ஸ் பீகிள் கப்பலில் உலக சுற்றுலா பயணத்தில் சென்றபோது, பல்வேறு தீவுகள், உயிரினங்கள், மற்றும் புவியியல் விதிகள் அவருக்கு நேரடியாக தெரிந்தன. இதனால் அவர் பரிணாம வளர்ச்சி கோட்பாட்டை உருவாக்க முடிந்தது.

1859ஆம் ஆண்டு அவர் “On the Origin of Species” புத்தகத்தில் கூறியது, அனைத்து உயிரினங்களும் ஒரே பொதுவான முன்னோடியிலிருந்து வந்தவை, சூழ்நிலைக்கேற்ப மாறுகின்றன, தகுதியானவையே வாழ்கின்றனர். இதன் மூலம், உயிரியல், மரபியல், மருத்துவம் மற்றும் சமூக அறிவியலுக்கு பெரும் அடிப்படை வழங்கப்பட்டது.

ஆனால் Darwin Day என்பது purely பரிணாமக் கோட்பாட்டை கொண்டாடுவது அல்ல; இது அறிவியல் முறையை, தரவுகளால் ஆதரிக்கப்பட்ட ஆய்வுகளை, பகுத்தறிவையும் மனிதநேய பண்புகளையும் போற்றும் நாளாகும்.

உலகம் முழுவதும் சில அமைப்புகள் இதை “International Darwin Day” எனக் கொண்டாடுகின்றன. இதன் நோக்கம், ஆதார அடிப்படையிலான சிந்தனையை ஊக்குவிப்பதும், பகுத்தறிவை வளர்ப்பதும், மனிதநேயம் பரப்புவதும் ஆகும்.

டார்வின் ஒரு மேதை மட்டும் அல்ல; அவர் கடின உழைப்பாளர், விடாமுயற்சி கொண்ட ஆய்வாளர். சவால்களை எதிர்கொண்டு புதிய உண்மைகளை கண்டறியும் அவரது உணர்வு, அறிவுசார் ஆர்வம் கொண்ட எவருக்கும் ஒரு மிகப்பெரிய உத்வேகமாகும்.

இவரின் ஆய்வுகள், பயணங்கள் மற்றும் எழுத்துகள் உலக அறிவியலுக்கு மட்டும் அல்ல, மனிதன் இயற்கையின் பகுதியாக இருப்பதை உணரச் செய்தது, மேலும் பகுத்தறிவு மற்றும் சுயமாகக் கணிக்கக் கற்றல் ஆகியவற்றை ஊக்குவித்தது.

இந்நாளின் மூலம் நாம் அறிவோம்: Darwin Day என்பது தனிமனிதரையோ, குறிப்பிட்ட கோட்பாட்டையோ மட்டுமல்ல, அது அறிவியல், மனித முன்னேற்றம், சுதந்திரமான சிந்தனை, மற்றும் இயற்கையின் அதிசயங்களை கொண்டாடும் உலகளாவிய திருவிழாவாகும்.