Olympic Winter Games என்பது பனி மற்றும் கடும் குளிர்கால சூழ்நிலைகளில் நடைபெறும் உலகின் மிகப்பெரிய விளையாட்டு விழாவாகும். இதனை சர்வதேச ஒலிம்பிக் கமிட்டி (IOC) நடத்துகிறது. இந்த போட்டிகள் வருடம் தோறும் நடத்தப்படுவதில்லை; ஒவ்வொரு நான்கு ஆண்டுகளுக்கும் ஒருமுறை மட்டுமே நடைபெறும்.
ஆனால் Summer Olympics மற்றும் Winter Olympics ஒரே ஆண்டில் நடத்தப்படாது. ஒரு இரண்டு ஆண்டு இடைவெளியில் மாறி மாறி நடத்தப்படுவதால், ஒவ்வொரு இரண்டு ஆண்டுகளுக்கும் ஒருமுறை ஏதாவது ஒரு ஒலிம்பிக் நடைபெறுவது போல தோன்றுகிறது.
Winter Olympics முதன்முறையாக 1924 ஆம் ஆண்டு பிரான்சின் சாமோனி நகரில் நடைபெற்றது. அப்போது அதற்கு “International Winter Sports Week” என்றே பெயர் வைக்கப்பட்டது.
பின்னர் தான் அதற்கு அதிகாரபூர்வமாக Olympic Winter Games என்ற அந்தஸ்து வழங்கப்பட்டது. 1994 ஆம் ஆண்டுக்கு முன்பு வரை Summer மற்றும் Winter Olympics ஒரே ஆண்டில் நடத்தப்பட்டன. அதன் பின்னர், இரண்டும் தனித்தனியாக பிரித்து நடத்த முடிவு செய்யப்பட்டது.
இந்த போட்டிகளில் பனியில் மற்றும் ஐஸில் நடைபெறும் பல்வேறு விளையாட்டுகள் இடம்பெறும். ஸ்கீயிங், ஸ்னோபோர்டிங், பயாத்லான், ஐஸ் ஹாக்கி, ஃபிகர் ஸ்கேட்டிங், ஸ்பீட் ஸ்கேட்டிங், கர்லிங் போன்ற விளையாட்டுகள் இதில் முக்கியமானவை.
இதில் சில போட்டிகளில் வெற்றியும் தோல்வியும் மில்லி விநாடி வித்தியாசத்தில் தீர்மானிக்கப்படும். அதனால் ‘போட்டோ ஃபினிஷ்’ என்பது Winter Olympics-ல் மிக முக்கியமானதாகும்.
Winter Olympics வரலாற்றில் அதிக பதக்கங்களை வென்ற நாடாக நார்வே திகழ்கிறது. பனி விளையாட்டுகளில் அந்த நாடு உலகின் முன்னணி சக்தியாக பார்க்கப்படுகிறது.
அமெரிக்கா, ஜெர்மனி, கனடா போன்ற நாடுகளும் பதக்க பட்டியலில் முக்கிய இடத்தை பிடித்து வருகின்றன. இந்தியா Winter Olympics-ல் மிகக் குறைந்த அளவில் தான் பங்கேற்றுள்ளது.
இதுவரை இந்தியாவுக்கு ஒரு பதக்கம் கூட கிடைக்கவில்லை. இந்தியாவின் Winter Sports வீரர்கள் பெரும்பாலும் குல்மார்க், அவுலி போன்ற பகுதிகளில் பயிற்சி பெறுகின்றனர்.
காலநிலை மாற்றம் காரணமாக சமீப காலங்களில் இயற்கை பனி போதுமான அளவில் கிடைப்பது குறைந்து வருகிறது. இதனால், பெரும்பாலான Winter Olympics போட்டிகளில் செயற்கை பனி பயன்படுத்தப்படுகிறது.
2022 பீஜிங் Winter Olympics முழுமையாக செயற்கை பனியில் நடத்தப்பட்டது என்பது பலருக்கும் ஆச்சரியமான தகவலாகும்.
Ice Hockey விளையாட்டு ஆரம்பத்தில் Summer Olympics-ல் இடம்பெற்றது என்பது அதிகம் அறியப்படாத ஒன்று. பின்னர் தான் அது Winter Olympics-க்கு மாற்றப்பட்டது.
அதேபோல் Snowboarding விளையாட்டும் 1998 ஆம் ஆண்டு வரை ஒலிம்பிக்கில் இடம் பெறவில்லை. அதற்கு முன்பு அது ஒரு எக்ஸ்ட்ரீம் விளையாட்டாக கருதப்பட்டது.
மிகவும் கடும் குளிர் நிலவிய Winter Olympics ஆக 1994 ஆம் ஆண்டு நார்வேயின் லில்லிஹாமரில் நடைபெற்ற போட்டிகள் கருதப்படுகின்றன. அப்போது வெப்பநிலை மைனஸ் 20 டிகிரி செல்சியஸ் வரை சென்றதாக கூறப்படுகிறது. வீரர்களுக்கு மட்டுமல்ல, பார்வையாளர்களுக்கும் அது கடும் சவாலாக இருந்தது.
Olympic Winter Games 2026 ஆம் ஆண்டு பிப்ரவரி 6 முதல் 22 வரை நடைபெற உள்ளது. இதற்கு இடம் இத்தாலி, Milan மற்றும் Cortina d’Ampezzo நகரங்கள் ஆகும். போட்டிகளின் ஆரம்ப விழா பிப்ரவரி 6 அன்று நடைபெற உள்ளது, முதல் நிகழ்ச்சிகள் சில நாட்களுக்கு முன்பு தொடங்கும் என திட்டமிடப்பட்டுள்ளது.
மொத்தத்தில், Olympic Winter Games என்பது விளையாட்டு மட்டுமல்ல; மனிதன் இயற்கையையும், காலநிலையையும், உடல் வலிமையையும் எதிர்த்து வெற்றி பெறும் ஒரு உலகளாவிய திருவிழாவாகும்.
