தமிழக வெற்றி கழகத் தலைவர் விஜய், தனது கட்சியின் “உங்கள் விஜய் நான் வரேன்” என்ற மாநிலமுழுவதும் நடைபெறும் சுற்றுப்பயணத்தின் ஒரு பகுதியாக நேற்று கரூர் மற்றும் நாமக்கல் மாவட்டங்களில் தொண்டர்களை சந்தித்தார்.
இந்த நிகழ்வுகளில் ஏற்பட்ட பெரும் கூட்ட நெரிசலால், பலர் உயிரிழந்ததாக தகவல்கள் வெளியாகியுள்ளன. அதிகாரப்பூர்வ மதிப்பீடு இன்னும் வெளியாகவில்லை என்றாலும், சில செய்தி மூலங்கள் சுமார் 39 பேர் உயிரிழந்ததாகக் கூறுகின்றன. இதில் குழந்தைகளும் உள்ளதாகத் தகவல்கள் வெளியாகியுள்ளது.
காவல் துறையினர் கூட்ட நெரிசலை கட்டுப்படுத்த முயன்றபோதும், அசம்பாவிதம் தவிர்க்க முடியாமல் போனது. இதுவரை நடைபெற்ற அரசியல் சுற்றுப்பயணங்களில் இல்லாத வகையில் இந்த துயரச் சம்பவம் நடந்துள்ளதால், மாநிலம் முழுவதும் அதிர்ச்சி நிலவுகிறது.
இதுகுறித்து முதலமைச்சர் மு.க. ஸ்டாலின், உயர்நீதிமன்ற ஓய்வு பெற்ற நீதிபதி அருணா ஜெகதீசன் தலைமையில் விசாரணை ஆணையம் அமைக்கப்பட்டுள்ளதாக அறிவித்துள்ளார். அந்த ஆணையத்தின் பரிந்துரைகளின் அடிப்படையில் அடுத்தடுத்த நடவடிக்கைகள் எடுக்கப்படும் என்றும் தெரிவித்தார்.
விஜய் தரப்பில் இதுவரை எந்த அதிகாரப்பூர்வ பதிலும் வெளியாகவில்லை.
