நடிகர் ரஜினிகாந்தின் மூத்த அண்ணன் சத்தியநாராயண ராவுக்கு மாரடைப்பு ஏற்பட்டுள்ளதாக தகவல் வெளியாகியுள்ளது.
பெங்களூருவில் உள்ள ஒரு தனியார் மருத்துவமனையில் அவர் அவசரமாக அனுமதிக்கப்பட்டுள்ளார். மருத்துவமனையில் தீவிர சிகிச்சை அளிக்கப்பட்டு வருவதாகவும், மருத்துவர்கள் அவரை நெருக்கமாகக் கண்காணித்து வருவதாகவும் தகவல்கள் தெரிவிக்கின்றன.
மாரடைப்பு ஏற்பட்டது குறித்து அறிந்த நடிகர் ரஜினிகாந்த் உடனடியாக சென்னை இருந்து பெங்களூரு புறப்பட்டு மருத்துவமனைக்கு நேரில் சென்றதாக கூறப்படுகிறது.
1943 ஆம் ஆண்டு கர்நாடகாவில் பிறந்த சத்தியநாராயணராவ் மராட்டி வம்சத்தைச் சேர்ந்தவர். அவர் ரஜினிகாந்தின் ஆன்மீக வாழ்க்கையிலும், அரசியல் முடிவுகளிலும் முக்கிய ஆலோசகராக இருந்து வந்தார். ரஜினிகாந்த் நடிப்பில் வெளியாகும் ஒவ்வொரு படத்திற்கும் முன்பாக சத்தியநாராயணராவ் சிறப்பு பூஜைகள் நடத்துவார் என்றும், பல்வேறு கோவில்களுக்கு சென்று தனது தம்பியின் வெற்றிக்காக வழிபாடு செய்வது வழக்கமாக இருந்தது என்றும் கூறப்படுகிறது.
ரஜினிகாந்த் குடும்பத்தில் நான்கு சகோதரர்கள் உள்ளனர் — மூத்தவர் சத்தியநாராயணராவ், அதன்பின் நாகேஸ்வரராவ், அடுத்ததாக அசுத்தவாலுபாய், இளையவர் ரஜினிகாந்த். தற்போது மூத்த அண்ணன் சத்தியநாராயணராவுக்கே மாரடைப்பு ஏற்பட்டுள்ளது.
2023ஆம் ஆண்டு, 80 வயதில் தமிழ் திரைப்படத்தில் நடித்துக் காண்பிக்கவுள்ளதாக சத்தியநாராயணராவ் அறிவித்திருந்தார். ஆனால் அந்த படத்தின் தலைப்பு இதுவரை உறுதியாகவில்லை.
தற்போது அவர் பெங்களூருவிலுள்ள மருத்துவமனையில் சிகிச்சை பெற்று வருகிறார். அவரின் உடல்நிலை குறித்து விரைவில் அதிகாரப்பூர்வ தகவல் வெளியாகும் என எதிர்பார்க்கப்படுகிறது
