தமிழ்நாட்டிலேயே முதன்முறையாக கள் இறக்குபவர் என்ற மத்திய அரசின் அடையாள அட்டையை காஞ்சிபுரம் மாவட்டத்தைச் சேர்ந்த ஒரு படை தொழிலாளி பெற்றுள்ளார். படை தென்னை மரங்களில் இருந்து இறக்கப்படும் கள்லை உணவுப் பொருளாக மத்திய அரசு பட்டியலிட்டுள்ளதுடன், கள் இறக்கும் தொழிலையும் கைத்தொழிலாக அங்கீகரித்துள்ளது.
மத்திய அரசால் அங்கீகரிக்கப்பட்டுள்ள 378 கைத்தொழில்களில், ஆறாவது தொழிலாக “டாடி டேப்பர்” (Toddy Tapper) என்ற பெயரில் இந்த தொழிலுக்கு அங்கீகாரம் வழங்கப்பட்டுள்ளது.
“படை ஏறிகள்” என்று அழைக்கப்படும் இந்த படை தொழிலாளர்களுக்கு, இந்திய அரசின் அமைப்புசாரா தொழிலாளர் நல அமைச்சகம் மூலம் அடையாள அட்டைகள் வழங்கப்பட்டு வருகின்றன.
இந்த அமைச்சகத்தின் கீழ் செயல்படும் ஓய்வூதியத் திட்டத்தில் இணைந்து, ஒரு படை ஏறி தொழிலாளிக்கு “கள் இறக்குபவர்” என்ற அடையாள அட்டை வழங்கப்பட்டுள்ளது. தமிழ்நாட்டிலேயே முதல்நபராக, உத்திரமேரூர் அடுத்த மல்லியங்கருடை கிராமத்தைச் சேர்ந்த பெருமாள் என்பவர், கள் இறக்குபவர் என்ற மத்திய அரசு அடையாள அட்டையை பெற்றுள்ளார்.
இந்த அடையாள அட்டையின் மூலம் இந்தியா முழுவதும் சென்று கள் இறக்க முடியும். கள் இறக்கும் தொழிலை மத்திய அரசு அங்கீகரித்துள்ள நிலையில், தமிழ்நாடு அரசு கள் மீதான தடையை நீக்காததற்கு என்ன காரணம் என தமிழ்நாடு பணையேறிகள் பாதுகாப்பு இயக்கம் கேள்வி எழுப்பியுள்ளது.
