தற்போது பல புதிய முதலீட்டு வாய்ப்புகள் இருந்தாலும், பொதுமக்கள் போஸ்ட் ஆபீஸ் திட்டங்களை இன்னும் அதிகமாக விரும்புகின்றனர்.
இதற்குக் காரணம், இத்திட்டங்கள் முழுமையாக அரசாங்க ஆதரவுடன் இயங்குவதால் முதலீடு செய்யப்பட்ட பணம் முழுமையாக பாதுகாப்பாக இருப்பதுதான். அந்த வகையில், போஸ்ட் ஆபீஸ் வழங்கும் ஒரு சிறந்த சேமிப்பு திட்டம் உள்ளது.
இதில் நீங்கள் தினசரி 200 ரூபாய் முதலீடு செய்தால், சில ஆண்டுகளில் 10 லட்சம் ரூபாய் வரை சேமிக்க முடியும். அது தான் போஸ்ட் ஆபீஸ் ஆர்டி (Recurring Deposit – RD) திட்டம். இது தொடர்ச்சியாக ஒரு குறிப்பிட்ட தொகையை சேமிப்பதற்கான திட்டமாகும்.
மத்திய அரசு உத்தரவாதம் வழங்குவதால், இந்த முதலீட்டில் எந்தவித அபாயமும் இல்லை. இது சந்தை ஏற்றத் தாழ்வுகளுக்கு உட்பட்டதல்ல. மேலும், வட்டி விகிதமும் நிலையானதாக உள்ளது.
இந்த திட்டத்தின் சிறப்பு என்னவென்றால், குறைந்த தொகையிலேயே முதலீட்டை தொடங்கலாம். வெறும் 100 ரூபாய் முதலீட்டில் கூட கணக்கு திறக்க முடியும். தற்போது வருடத்திற்கு 6.7% முதல் 7% வரை வட்டி வழங்கப்படுகிறது.
இந்த திட்டத்தில் கூட்டு வட்டி நடைமுறை உள்ளது. அதாவது, நீங்கள் பெறும் வட்டிக்கும் மீண்டும் வட்டி சேர்க்கப்படும். இது உங்கள் சேமிப்பை வேகமாக வளர உதவுகிறது. வட்டி ஒவ்வொரு மூன்று மாதங்களுக்கும் கணக்கிடப்பட்டு கணக்கில் சேர்க்கப்படும்.
உங்களுக்கு அவசரமாக பணம் தேவைப்பட்டால், கணக்கு திறந்த ஒரு ஆண்டிற்குப் பிறகு, அதில் உள்ள தொகையின் 50% வரை கடனாக பெறலாம்.
இந்த திட்டத்தின் காலம் பொதுவாக ஐந்து ஆண்டுகள். அதன் பின்னர் விரும்பினால் மேலும் ஐந்து ஆண்டுகள் நீட்டிக்கவும் முடியும்.
உதாரணமாக, தினசரி 200 ரூபாய் சேமித்தால் மாதத்திற்கு 6,000 ரூபாய் ஆகும். ஐந்து ஆண்டுகளில் மொத்தமாக 4,28,000 ரூபாய் வரை சேமிக்க முடியும். இதை மேலும் ஐந்து ஆண்டுகள் நீட்டித்தால், மொத்த சேமிப்பு 10,25,000 ரூபாய் ஆகும்.
குறைந்த முதலீட்டில், காலப்போக்கில் பெரிய சேமிப்பை உருவாக்க இது ஒரு சிறந்த வாய்ப்பாகும்.
