நாம் வீட்டில் அரிசி கழுவும் தண்ணீரை சும்மா கீழே ஊற்றி வீணாக்குகிறோம். ஆனால் உண்மையில் அந்த அரிசி தண்ணீரில் நிறைய நன்மைகள் இருக்கின்றன. அதில் வைட்டமின்கள், தாதுக்கள், ஊட்டச்சத்துக்கள் ஆகியவை அதிகமாக இருப்பதாக நிபுணர்கள் கூறுகிறார்கள்.
அரிசி தண்ணீர் முடிக்கு மிகவும் நல்லது. அதில் அமினோ அமிலங்கள், வைட்டமின்கள் ஆகியவை இருப்பதால் முடி வலுவாகும். ஷாம்பூ போட்டு தலை குளித்த பிறகு, இந்த அரிசி தண்ணீரை முடியில ஊற்றி நன்றாக மசாஜ் செய்து கொஞ்ச நேரம் விட்டு விடுங்கள். பிறகு அலசலாம். இதை வாரத்திற்கு இரண்டு முறை செய்தால் முடி உதிர்வது குறையும். முடி வளர்ச்சியும் நல்லதாக தெரியும்.
அதே மாதிரி சருமத்திற்கும் அரிசி தண்ணீர் மிகவும் பயனுள்ளதாகும். முதலில் லேசான சோப்பால் முகத்தை கழுவி, அரிசி தண்ணீரில் பஞ்சை நனைத்து முகத்தில் தடவுங்கள். ஐந்து நிமிடம் விட்டால் போதும். இதில் உள்ள ஊட்டச்சத்துக்கள் முகத்தில் உள்ள துளைகளைச் சுருக்கி, சருமத்தை மென்மையாகவும் பளபளப்பாகவும் மாற்றும்.
வீட்டில் செடிகள் வளர்ப்பவர்களுக்கும் இது ஒரு நல்ல இயற்கை உரம். அரிசி கழுவிய தண்ணீரை செடிகளுக்கு ஊற்றுங்கள். சில நாட்களிலேயே செடிகள் நன்றாக வளர்ந்து, ஆரோக்கியமாக இருப்பதை நீங்களே கவனிப்பீர்கள்.
வரண்ட சருமம் உள்ளவர்களுக்கு அரிசி தண்ணீர் ஒரு நல்ல தீர்வு. அரை வாளி தண்ணீரில் அரிசி தண்ணீரை கலந்து 10 நிமிடம் வைத்துவிட்டு அதில் குளியுங்கள். அரிசி ஸ்டார்ச்சாக இருப்பதால் சருமத்தில் உள்ள வறட்சியும் வீக்கமும் குறையும். சருமம் நன்றாக ஈரப்பதத்துடன் இருக்கும்.
இதற்குப் பிறகு, அரிசி தண்ணீரை வீடு சுத்தம் செய்யவும் பயன்படுத்தலாம். எரிவாயு அடுப்பு மற்றும் சிமென்ட் கரைகள் ஆகியவற்றை சுத்தம் செய்ய இந்த தண்ணீர் உதவும். இதில் லேசான அமிலத்தன்மை இருப்பதால் ரசாயனங்கள் இல்லாமலேயே கரைகள் நீங்கிவிடும்.
இதனால் இனிமேல் அரிசி கழுவிய தண்ணீரை வீணாக்காமல், இந்த மாதிரியான பயனுள்ள விஷயங்களுக்கு பயன்படுத்தலாம். மேலும், இவை அனைத்தும் பொதுவான கருத்துகளே.
