மிகப் பெரிய மனிதர் என்றால் அவர் ஒரு உண்மையான ஜென்டில்மேன்.
சரவணன் சார் எப்போதும் வெளிப்படையாக ஆடம்பரமில்லாமல், அழகாக உடை அணிவார். ஆனால் அதைவிட அழகானது அவருடைய உள்ளம் — அது அவர் அணியும் ஆடையை விடவும் அதிகமாக ‘வெள்ளை’ எனலாம்.
சினிமாவை அவர் உயிரைப் போல நேசித்தவர். அவருடன் 10 நிமிடம் பேசினாலும், குறைந்தது 10 தடவை “அப்பாஸ்சி, அப்பாஸ்சி” என்று சொன்னபடியே, தனது தந்தையை நினைவு கூர்வார். என்மேல் அவருக்கு இருந்த அன்பு அளவிட முடியாதது. என் நலனுக்காக எப்போதும் நிற்பவர்; நான் சந்தித்த கஷ்ட நாட்களில் ஆதரவாக இருந்தவர்.
ஏவிஎம்–ல் நான் நடித்து இருக்கும் ஒன்பது படங்களும் பெரிய ஹிட்டானது. அந்த வெற்றிகளுக்குப் பின்புல காரணம் சரவணன் சார் தான் என்று சொன்னாலும் அது மிகையாகாது.
80களில் முரட்டு காளை தமிழில் எடுக்கப்பட்ட மிகப் பெரிய பிரம்மாண்ட படங்களில் ஒன்று. அதற்கு முன் 20களில் சிவாஜி நடித்த பிரம்மாண்ட படங்கள் வந்திருந்தன. அதே அளவுக்கு அல்லது அதைவிடப் பெரிய படத்தை மீண்டும் 20களுக்குப் பிறகு உருவாக்கணும் என்று அவர் கனவு கொண்டிருந்தார். அதை பற்றி நம்மிடம் பேசினதும் உண்டு. ஆனால் அது நிறைவேறவில்லை என்பது வருத்தம்.
அவருடைய மறைவு மனதை மிகவும் பாதிக்கிறது. அவரின் ஆத்மா சாந்தி அடையட்டும். அவரது குடும்பத்தாருக்கு எனது ஆழ்ந்த இரங்கலைத் தெரிவித்துக் கொள்கிறேன்.
