“உடலுக்கு வெளியே வாழ முடியாத பலவீனமான வைரஸ்… உலகையே எப்படி மாற்றியது?”

உலகளவில் ஒவ்வொரு ஆண்டும் டிசம்பர் 1ஆம் தேதி, உலக எய்ட்ஸ் நாள் அனுசரிக்கப்படுகிறது.இந்த நாள் முதன்முதலில் 1988ஆம் ஆண்டு உலக சுகாதார அமைப்பினால் அறிமுகப்படுத்தப்பட்டது.

HIV மற்றும் AIDS குறித்து மக்களிடையே சரியான தகவல் பரப்பவும், நோயைப் பற்றிய தவறான நம்பிக்கைகளை ஒழிக்கவும் இந்த நாளை உருவாக்கியது WHO.

இந்த நாளை உருவாக்கியவர்கள்: WHO-வின் Global Programme on AIDS பிரிவில் பணியாற்றிய தகவல் நிபுணர்கள் ஜேம்ஸ் டபிள்யூ. பன்னெல் மற்றும் தாமஸ் நெட்ஸ். HIV குறித்து உலகத்தில் அச்சமும் அறியாமையும் அதிகமாக இருந்த காலத்தில், ஒரு சர்வதேச விழிப்புணர்வு நாள் அவசியம் என அவர்கள் பரிந்துரைத்தனர்.

பின்னர், 1996 முதல், உலக எய்ட்ஸ் நாள் நிகழ்வுகளை ஒருங்கிணிக்கும் பொறுப்பு ஐநாவின் UNAIDS அமைப்புக்குச் சென்றது.

இப்போது எய்ட்ஸ் என்ன? அது எப்படி உருவாகிறது?

எய்ட்ஸ் நோய் HIV வைரஸால் ஏற்படுகிறது. HIV என்பது Human Immunodeficiency Virus எனப்படும் ஒரு வைரஸ்.

இந்த வைரஸ் மனித உடலின் நோயெதிர்ப்பு அமைப்பை தாக்கி, குறிப்பாக CD4 செல்களை அழிக்கிறது.
பல ஆண்டுகள் மெதுவாக நோயெதிர்ப்பு சக்தி குறைந்தபின், உடல் சாதாரண நோய்களுக்கும் எதிர்ப்பு தர முடியாத நிலைக்கு செல்கிறது.அந்த கடைசி நிலையே AIDS (Acquired Immunodeficiency Syndrome) ஆகும்.

குறிப்பாக, HIV என்பது வைரஸ்.

AIDS என்பது அந்த வைரஸ் ஏற்படுத்தும் இறுதி நிலையில் உண்டாகும் நோய் நிலை. இரண்டும் ஒரே வார்த்தை அல்ல; AIDS தனியாக வரும் நோயும் அல்ல.

HIV பரவும் வழிகள் நன்கு அறியப்பட்டவை:பாதுகாப்பற்ற பாலியல் உறவு,நோயாளியின் இரத்தத்துடன் நேரடி தொடர்பு, உபயோகித்த ஊசிகளை பகிர்வு, அத்துடன் கர்ப்பிணி தாயிலிருந்து குழந்தைக்கு பரவுதல்.

ஆனால் HIV பரவாத வழிகளையும் தெரிந்து கொள்ளுவது அவசியம்.

உணவு பகிர்வு, கைகுலுக்குதல், அணைத்தல், பொதுக் கழிப்பறை, அல்லது கொசு கடி—இவை எதன்மூலமும் HIV பரவாது. மனித உடலுக்கு வெளியே நீண்ட நேரம் உயிருடன் இருக்க முடியாத மிகப் பலவீனமான வைரஸ் அதுவாகும்.

HIV–க்கு நவீன மருத்துவத்தில் பலத்த சிகிச்சை கிடைக்கிறது. ART எனப்படும் Antiretroviral Therapy மூலம், வைரஸ் அளவு கட்டுப்பாட்டில் வைக்கப்படலாம், நோயெதிர்ப்பு சக்தி பாதுகாக்கப்படுகிறது, மேலும் AIDS நிலைக்கு செல்லாமல் தடுக்கும் திறனும் உள்ளது. இதன் மூலம் HIV உடன் நீண்டகாலம் ஆரோக்கியமாக வாழ்வதும் இன்றைக்கு சாத்தியமாகியுள்ளது.

உலக எய்ட்ஸ் நாள் இன்று உலகம் முழுவதும்,HIV/AIDS விழிப்புணர்வு,பாகுபாடு எதிர்ப்பு,நோயாளிகளுக்கு ஆதரவு
மற்றும் உயிரிழந்தவர்களை நினைவுகூரும் நாளாகக் கடைப்பிடிக்கப்பட்டு வருகிறது.